Schneeschuhfahrermarsch

1. Wenns draußen wieder schneit,
Do hobn mer unnre Freid,
S fängt überoll ze wabeln a
Is draußn gute Schneeschuhbah.
Un liegt of unnrer Höh
Es erschte Fünkerl Schnee,
Do schnoll mer unnre Schneeschuh a
Un fahrn derva!
Denn su frisch un frei
Wie mer Arzgebirgler sei,
Mir halten aus in Sturmgebraus,
Öb's wattert, stürmt un schneit.
Of unnrer Höh , do liegt der erschte Schnee,
Do liegt er ahh am längsten dort,
Drüm gieh mer gar net fort.
Frisch auf alle Zeit!

Refrain:
$\vert$: Mir halten trei ze unnrer Haamit
Un singe lustig unner Lied.
Un müß mer fort, do kehrn mer wieder,
Su wie der Vugl haamwärts zieht. :$\vert$

2. Ach is das aane Lust,
Wie hebt sich do de Brust,
Vo Berg ze Tal durch Wald un Gründ
Ze sausen üwern Schnee geschwind.
Is nirgnds kaa Stappen Bah,
Do liegt uns gar nischt dra,
Mir fohrn ja ner de Nos enoch,
Do gibts ka Frog.
Wie krabbelts Blut,
Wie warn de Backen rut,
Wie glänzt es Aag of freier Höh
Liegt olls in tiefn Schnee !
Un durchs Gemüt
A haamlichs Klinge zieht
Vo Haamitlieb un deitscher Trei,
Wie schlägt es Herz su frei.
Frisch auf alle Zeit...