'S Raachermannel

1. Gahr vür Gahr gieht’s zenn Advent
Of `n Buden nauf,
Werd a Mannel aufgeweckt:
„Komm, nu stist de auf!“
Is es unten in der Stub,
rührt sich’s net vom Flack;
`s stieht, wu’s stieht,
doch ball gieht’s us:
`s bläst de Schwoden wag.

Refrain:
Wenn es Raachermannl naabelt
Un es socht kaa Wort derzu
Un der Raach steigt an der Deck nauf,
sei mer allezamm su fruh.
Un schie ruhig is in Stiebel,
steigt der Himmelsfrieden ro,
doch in Herzen lacht’s un jubelt’s :
Ja, de Weihnachtszeit is do!

2. `s hot zwaa stackendürre Baa un ann huhlen Leib,
zieht bedachtig an der Pfeif ze sann Zeitvertreib.
Hot a fei schiens Gackel a, of ne Kopp ann Hut,
ober Maul und Nos sei schwarz,
weil’s viel dampen tut.
Wenn es Raachermannl...

3. Kimmt zen Fest der gruße Gung aus der Fremd aham,
springt dr Kleene rüm ver Frad,
ach, dos is a Laabn!
Bricht dernoch de Dammring rei,
namm mer’n Raachermaa,
stelln ne mittn of’n Tisch,
zünden Kerzln ah
Wenn es Raachermannl...

4. Is der Heilge Obnd nu ra, wird jeds ze ann Kind.
Wieder waarn in jeden Haus Lichter agezündt.
Jeds hofft, dos zen Heilgn Christ aah e Packel kriecht.
Überol is Glanz un Pracht,
un wie gut dos riecht!
Wenn es Raachermannl...